Wednesday, December 8, 2021
Home > समाचार > दिल्ली डेयरडेभिल्सको आधिकारिक घोषणाः सोमबारको खेलमा सन्दिप बलियो हतियार

दिल्ली डेयरडेभिल्सको आधिकारिक घोषणाः सोमबारको खेलमा सन्दिप बलियो हतियार

काठमाडौं। आइपिएल टिम दिल्ली डेयरडेभिल्सले आगामी सोमबार आफ्नो होमग्राउण्ड दिल्लीको फिरोज शाह कोटला स्टेडियममा पंजाबविरुद्ध हुने खेलमा आफ्नो बलियो हतियार नेपाली बलर सन्दिप लामिछाने हुने बताएको छ । दिल्लीको आधिकारिक बवेबसाइटमा उसले फिरोज शाह सन्दिपको लागि पनि सबैभन्दा उत्तम मैदान हुने बताएको छ । पढ्नुस् दिल्लीको वेबसाइटमा लेखिएको समाचारको नेपाली अनुवाद ।

भिभो आइपिएलको ११ औं सिजनमा दिल्ली डेयरडेभिल्स लगातार घरबाहिर खेल्दै ५ खेलपछि छैटौं खेल आफ्नो घरेलु मैदान फिरोज शाह कोटलामा २३ अप्रिलमा खेल्नेछ । यद्यपि यसअघि २१ अप्रिलमा दिल्लीले रोयल च्यालेन्जर्स बैंगलोरविरुद्ध उसकै घरमा खेल्नुछ । अहिलेसम्म बाहिरको सफर जस्तो रहे पनि दिल्लीको टिमले घरमा राम्रो सुरुवात गर्न चाहनेछ । फिरोज शाह कोटलाको विकेटमा स्पिनर कति कहर वर्षाउन सक्छन् यसको सबैभन्दा ठूला प्रमाण अनिल कुंभले हुन् जसले पाकिस्तानविरुद्ध एक इनिङका सबै १० विकेट लिएका थिए ।

यदि कुरा अहिलेको गर्ने हो भने यो मैदानमा पछिल्लो टी–२० म्याच भारत र न्यूजिल्याण्डविरुद्ध खेलिएको थियो जहाँ १० मध्ये ६ विकेट स्पिनरले लिएका थिए । कोटलामा टी–२० म्याचमा फास्ट बलरले लगभग १० को इकोनोमीमा रन दिएका छन् भने स्पिनरले यहाँ बाजी मार्दै मात्रै ६.३३ को औसतले रन दिएका छन् । हामी यस्तो यसकारण भन्दैछौं किनकि जुन तरिकाले आइपिएल ११ मा अहिलेसम्म तीन स्पिनर खेलाउने दौर चलेको छ र टिमहरुले सफलता पनि पाएका छन् । यस्तोमा दिल्ली पनि आफ्नो हतियारको भण्डारबाट सन्दिप लामिछानेलाई बाहिर निकाल्न चाहनेछ ।

यी बलरको शानदार रेकर्डलाई हेर्दा यस्तो लाग्छ कि सन्दिप फिरोज शाह कोटलामा अतुलनीय प्रदर्शन गर्न सक्छन् । यी खेलाडीले २०१६ मा आफ्नो करिअर नेपालको अण्डर १९ टिमबाट सुरु गरेका थिए । दोसे खेलमै १७ वर्षीय यी लेग स्पिनरले आयरल्याण्डविरुद्ध ह्याट्रिक लिएर सबैलाई आफ्नो प्रतिभाको परिचय गराइदिएका थिए । यो प्रतियोगितामा सन्दिपले सबैलाई प्रभावित पारे र विकेट लिने मामिलामा दोस्रो स्थानमा रहे ।

भनिन्छ हिराको परख जौहरीले मात्र गर्न सक्छन् । सन्दिपको लागि जौहरी बनेर आए उनका आदर्श शेन वार्नको देशका माइकल क्लार्क । उनले यी खेलाडीको प्रतिभालाई सबैभन्दा पहिले हङकङमा देखेका थिए र यी बलरबाट क्लार्क यति प्रभावित भए कि उनले लामिछानेलाई त्यही वर्ष सिड्नीमा हुन लागेको ग्रड क्रिकेटमा बोलाए । माइकल क्लार्कको रेखदेखमा सन्दिपले धेरै सिके र त्यसको नतिजा यो भयो कि आइसीसी विश्व क्रिकेट लिग डिभिजन २ मा सन्दिप लामिछाने सबैभन्दा बढी विकेट लिने बलर बने । जसका कारण नेपाल पहिलो स्थानमा रहेको थियो । लामिछानेलाई यो प्रतियोगितामा प्लेयर अफ द टुर्नामेन्टको पुरस्कार पनि दिइयो ।

अगाडि गएर हालै सकिएको विश्वकप छनोटमा पनि लामिछानेले आफ्नो टिमलाई अहम जीत दिलाउँदै आइसीसीको वन डे मान्यता दिलाउन ठूलो भूमिका निभाएका थिए । यी खेलाडीले अहिलेसम्म २१ लिस्ट ए खेलमा ४.०४ को इकोनोमीमा ४२ विकेट हासिल गरेका छन् ।

Leave a Reply

error: Please Dont Copy My Content!! !!