Friday, May 14, 2021
Home > समाचार > नेपाल एयरलाइन्सकाे वाइडबडी घोटलामा उपसमितिले निकाल्यो यस्तो निष्कर्ष

नेपाल एयरलाइन्सकाे वाइडबडी घोटलामा उपसमितिले निकाल्यो यस्तो निष्कर्ष

काठमाडौँ– नेपाल एयरलाइन कार्पोरशेन (निगम) को वाइडवडी खरिदमा चार अर्ब ३१ करोड रुपैयाँ घोटाला भएको निष्कर्ष संसदको सार्वजनिक लेखा समितिअन्तर्गतको उपसमितिले निकालेको छ। सांसद राजन केसीको संयोजकत्वमा गठित सात सदस्यीय उपसमितिले चार अर्ब ३१ करोड घोटाला भएको र खरिद प्रक्रियामा संलग्न नेपाल वायुसेवा निगमका कर्मचारीलाई निलम्बन गरेर कारबाही थाल्न निर्देशन समेत दिने प्रारम्भिक प्रतिवेदन तयार पारेको छ।

उपसमितिले एयर बसको विमान गरिद गर्दा ६५ प्रतिशत छुट पाइने भए पनि मिलोमतोमा ५५ प्रतिशत मात्र लिएको ठहर समेत गरेको छ। संसद सचिवालय स्रोतका अनुसार निगम सञ्चालक समिति र व्यवस्थापनले नेपाल वायुसेवा निगम आर्थिक नियमावली २०६५ को दफा २३६ उपदफा १ क अनुसार विमान गरिद गर्नुपर्नेमा २३६ कै १ ख अनुसार खरिद गरेर राष्ट्रलाई घाटा पुर्‍याएको प्रतिवेदनमा उल्लेख गरेको छ।

उपसमितिले लेखा समितिमा पेस गर्ने तयारी गरेको प्रतिवेदनमा विमान गरिद गर्दा वायु सेवा निगमले गठन गरेको अध्ययन उपसमिति, लागत मूल्य र आरएफपी रिक्वइष्ट फर प्रपोजल सिफारिस गर्ने र स्वीकृत गर्ने पदाधिकारीलाई समेत कारबाहीका लागि अख्तियार दुरुपयोग अनुसन्धान आयोगमा लेखी पठाउने जनाएको छ।

लागत अनुमान तयार गर्दा एयर बस कम्पनीको तत्कालीन मूल्य र छुट रकम नलिई गलत मनासयले ८ वर्ष पुरानो मूल्यमा वार्षिक मूल्यवृद्धि समायोजन गरी नयाँ विमानको लागत अनुमान गरिएको तर आरएफपीमा १ हजार घण्टासम्म उडेको र २०१४ पछि बनेको पुरानो विमानका लागि निगम सञ्चालक समितिले पाउने छुट मूल्य ६५ प्रतिशत भए पनि ५५ प्रतिशत मात्र अर्थात कम मूल्यमा खरिद गरेको देखिएको उपसमितिको प्रतिवेदनमा भनिएको छ, यसरी १० प्रतिशत नोक्सान रकम करिब दुई अर्ब ३८ करोड निजहरुबाट भराउन निर्देशन दिने र हाल बहाल रहेका तत्कालीन पदाधिकारीलाई निलम्बन गरी अनुसन्धान गर्न निर्देशन दिने उल्लेख गरिएको छ।

Leave a Reply