Monday, May 10, 2021
Home > समाचार > नेहाको लास माथि इजरायलमा बस्ने केहि नेपालीले गरे यस्तो घृणित राजनीति, लास नेपाल होइन इन्डिया पठाउनुपर्छ भन्दै गरे वकालत

नेहाको लास माथि इजरायलमा बस्ने केहि नेपालीले गरे यस्तो घृणित राजनीति, लास नेपाल होइन इन्डिया पठाउनुपर्छ भन्दै गरे वकालत

अन्सु थापा, इजरायल – बिराटनगरकी नेहा शर्मा परिवारका लागि खुसी खोज्दै इजरायल पुगीन् । आफ्नो सुन्दर संसार बसाउने सपना लिएर इजरायल गएकी नेहाको त्यो सपना पुरा नहुँदै यो संसार छोडिन् । श्वास प्रस्वास सम्बन्धि रोगको कारण उनको इजरायलमै मृत्यु भयो । अनि सुरु भयो उनको लास माथिको राजनीति । हामी अधिकांश नेपालीको लागि वैदेशिक रोजगारी रहर होइन बाध्यता हो ।

सुन्दर संसार बनाउन नेपालमै बसेर मात्र सम्भव नभएपछि भोली राम्रो बनाउँन आज खराव बनाउँदै आफन्त छोडेर बिदेसिन्छौं । सोही क्रममा नेहा पनि अनेकन बाधा र अप्ठ्यारा पार गरेर इजरायल पुगिन् । तर त्यहाँ उनलाई स्वास्थ्यले साथ दिएन । केही वर्ष देखिको स्वासप्रश्वास सम्बन्धि रोगले अन्तत उनले सदाका लागि आँखा चिम्लिन् ।

उनी जिउँदो हुंदा उनको अप्ठेरोमा सहयोगी बन्न नगएका इजरायलमा बस्ने नेपाली उनको मृत्यु पछि भने लासमा राजनीति गर्न आइपुगे । नेहाको जिवन संघर्षको कथा हो । परिवारका लागि खुसी खोज्न भन्दै इजरायल पुग्नु अघि पनि उनले निकै संघर्ष गरिन् । उनले आफ्नो सबैभन्दा प्यारो राष्ट्रियतालाई थाँती राखेर इजरायल पुगेकी थिइन् । त्यतीबेला उनको मन कति रोएको थियो होला । तर त्यो भन्दा पनि बढी रोयो होला जब आफ्नै नेपाली दाजुभाई दिदीबहिनी नै उनको मरेको लासलाई नेपाल होइन भारत पठाउनुपर्छ भन्दै राजनीति गरे ।

त्यहाँ पुग्न जुन बाटो जुन तरिका अपनाएको भएपनि उनी नेपालकी छोरी थिइन् । विराटनगरमा उनका परिवारले उनको मृत शरिर कुरेर बसेका थिए तर इजरायलमा भने उनको लास माथि राजनीति हुँदै थियो । बुवा पुष्कर राज थापा र संगै जन्मेकी अर्की दिदी र उनका दुई छोराछोरीले खुसी लुटिएको उनको लास कुरेर बसेका थिए । तर भारतको बाटो हुँदै आएकी नेहालाई नेपाल होइन भारत पठाउनुपर्छ भन्दै राजनीति गर्ने नेपाली दाजुभाईले बिर्से होलान् उनका पनि दिदी बहिनीले आफ्नो खुसीका लागि कतै यस्तै संघर्ष त गरेका छैनन् ?

हामी देख्छौं नेपालमा भएका राजनीतिक घटनाक्रमले विदेशमा भएका नेपालीहरु बढी तरंगित हुन्छन् । वैदेशिक रोजगारीमा गएका नेपालीहरु पनि राजनीतिक आस्थाका आधारमा एक आपसमा बाँडीएर एक अर्काका दुस्मन बनेका हुन्छन् । त्यसको बल्दो उदाहरण बनिन् नेहा ।

नेहाको पार्थिव शरिर नेपाल पठाउन इजरायलमा पनि केही ब्यक्तिले निकै संघर्ष गर्नुपर्यो । अन्तत निकै संकट र कष्टका साथ नेहाको शव नेपाल ल्याएर अन्तिम संस्कार पुरा गरिएको छ । तर अहिले पनि इजरायलमा बस्ने नेपालीहरुबिचमा भने यो मुद्या सेलाएको छैन । त्यहाँ बस्ने नेपालीहरुको फेसवुक वालमा एक अर्कालाई छेडखानी गरेर लेखिएका स्टाटस अझै देख्न सकिन्छ ।

नेहाको जिवनको पछिल्लो समयमा साथ दिन र अस्पताल पुर्याउने उनका साथी पनि निकै पीडित छन् । उनलाई अस्पताल पुर्याउने र औषधि उपचार गर्ने तथा मृत्यु पछि शव नेपाल पठाउन पहल गरेकै कारण नेपालीहरुले नै चरित्र हत्या गर्ने काम गरेको भन्दै साथी मदन सिवाकोटीले लामो स्पष्टिकरण सहितको स्टाटस लेखेका छन् ।

नेहाले आफु जिवित छंदै परिवारको सल्लाहमा आफ्नो अंग दान गरेकी थिइन् । सो कुरालाई लिएर पनि उनका साथीलाई अनेक लाञ्छना लगाएर सामाजिक सञ्जालमा लेखेको भन्दै साथी मदनले वास्तविकता प्रष्ट पारेका छन् । उनले नेहोको अंग दानको निर्णयमा उनको परिवारको समर्थन र साथ रहेको बताएका छन् ।

उनको स्टाटस यस्तो छ । ‘बिगत केही समय अघिदेखि नेहाको डेडबडि नेपाल डेलिभरी गर्ने प्रक्रियालाई लिएर अझै पनि केही फेसबुक प्रयोग कर्ताहरुबाट मेरो चरित्र हत्या गर्ने कोसिस भइ रहेको मैले महसुस गरेको छु । तत् सम्बन्धमा मैले बाराम्बार सत्यतथ्य बताउदै आएको छु । अब उप्रान्त यससम्बन्धमा फेरि पनि अर्गनल प्रचार गरियो भने म कानुनी उपचारको खोजी गर्ने छु ।

मदन वर्देवा

नेहालाइ मैले केही बर्सदेखी नजिकबाट चिनेको छु, बुझेको छु, हामी एक अर्काको नजिक थियौँ । सुख दुखको साथी थियौँ । मलाई केही पर्दा नेहालाइ भन्ने गर्थे । उसले पनि हरकुराहरु म संग सेयर गर्ने गर्थी । हामी बिच आत्मीय मित्रताको सम्बन्ध थियो ।

उनी बिरामी भएको दिन काम विशेषले उनिसंगै थिए । तर अचानक उनि ढल्न पुगिन । मैले हतार हतार मा उनलाइ नजिकको अस्पतालमा लगेर एड्मिट गराए । प्रेसरको कारण नेहा बेहोस भएको डाक्टरले मलाई बताए । डाक्टरहरुको टिमले अनेक प्राबिधिक उपकरणको प्रयोग गरेर उनलाइ होसमा ल्याउने प्रयास गरे तर दुर्भाग्य बस डाक्टरहरुको प्रयास सफल भएन । सदाकोलागि नेहा बेहोस् भइन् ।

मैले नेहाको अबस्थाको बारेमा उसको परिवारलाइ खबर गरे । परिवार र अस्पताल प्रसासन बिच सम्पर्क गराए । अस्पतालले नेहाको उपचारमा लागेको सम्पूर्ण खर्च निसुल्क गरिदिने र डेडबडि पनि निसुल्क नेपाल डेलिभरी गरिदिने त्यसबापत नेहाको भित्री अंङ्ग मृगौला अस्पताललाई डोनेट गरिदिने अस्पताल प्रसासन र परिवारबिच सहमति भएको थियो । सोही सहमति अनुसार नेहाको मृत शरीर हिजो नेपाल पुगेको छ ।

सत्यतथ्य यो नै हो । म संग सबै कुराको प्रमाण छ । तर गलत सोच भएका,मानबिय भावना नभएका केही फेसबुक प्रयोगकर्ताहरुले अनेक झुटा प्रचारप्रसार गरेर मैले नेहाको अंङ्ग बेचेको आरोप लगाए । यस्तो संबेदनसिल बिसयमा झुट्टा आरोप लगाएर मेरो मान मर्दन गर्नेहरुलाइ म माथी लगाएका आरोप पुष्टि गर्न चुनौती दिन्छु ।

नेहाको आमाले मलाई भन्नू भएको थियो अङ्ग दान जीवन दान हो नेहाको अङ्गबाट अरु कसैले नयाँ जीवन पाउछ भने अंङ्ग दान गर्नु पर्छ । हिन्दु धर्ममा अङ्गदानलाइ पुण्यको काम भनेर भनिएको छ । नेहाको ममिको महान बिचारको प्रभाव मलाई गहिरो रुपमा परेको छ ।

अर्को कुरा, हो नेहा इन्डियन पासपोर्ट होल्डर नै हुन् । इन्डियन पासपोर्ट मार्फत नेहा इजरायल आएकी थिइ । तर उनी हुन त नेपाली नै हुन नि । घर नेपाल हो आमा बुबा नेपाली । यो सत्य जान्दा जान्दै केही ब्यत्तिहरु जसमा मानबिय भावना रत्तिभर छैन तिनीहरुले नेहा इन्डियन हुन्ने । हाको डेड बडि ईन्डिया डेलिभरी हुनुपर्छ भनेर आवाज उठाए । अस्पताल प्रसासनलाइ नेहाको शरीर नेपाल पठाए अदालतमा मुद्दा हाल्ने धम्कि दिए । अब बिचार गर्नुहोस् त एक पल्ट बिदेशमा छोरिको मृत्युको कारण सोकको आहलमा डुबेको नेहाको परिवारमा कस्तो बज्रपात पर्यो होला । आफ्नै छोरिको लाससम्म हेर्न नपाउने ? नेहाको मृत सरिरमाथि कोठे राजनीति गर्नेहरुमा अलिकति लोकलाज छैन ? ती लोकलाज नभएका, मानबिय भावना रत्तिभर नभएकाहरुले नेहाको नक्कली आमाबुबा पनि खडा गरेका थिए । हेर्नुस् यिनिहरुको दानबिय चरित्र । तर नेहाको सरिरमाथि अपराधीहरुले जे जति राजनीति गर्न खोजे पनि सकेनन्जि । त सधै सत्यको नै हुन्छ ।’

Leave a Reply