Wednesday, December 8, 2021
Home > Uncategorized > बधाई छ नेपाली टीम! नेपाल फुटवल खेलको फाइनलमा पुगे

बधाई छ नेपाली टीम! नेपाल फुटवल खेलको फाइनलमा पुगे

नेपाली राष्ट्रिय फुटबल टोली साफ च्याम्पियनसिप २०२१ को फाइनलमा प्रवेश गरेको छ ।

अत्यन्त प्रतिष्पर्धात्मक खेलमा बुधबार मालेस्थित राष्ट्रिय रंगशालामा बंगलादेशसँग नेपालले लिग चरणको अन्तिम खेल खेलेको थियो । उक्त खेलमा १-१ को बराबरी गर्दै नेपाल इतिहासमै पहिलो पटक फाइनल प्रवेश गर्न सफल भएको हो ।

पहिलो हाफमा सुमन रेजाको गोलमा बंगलादेशले अग्रता लिएको थियो । दोस्रो हाफमा उच्च प्रदर्शन गरिरहेका बंगलादेशका गोलरक्षक अनिसुर रहमानले रातो कार्ड खाएपछि नेपालले खेलमा फर्कने अवसर पाएको थियो । अन्जन विष्टले ८६ औं मिनेटमा पेनाल्टीमा गोल गर्दै नेपालको फाइनल यात्रा पक्का गरेका थिए ।

यस बराबरीले नेपालको ४ खेलमा ७ अंक भएको छ । बंगलादेश भने ४ खेलमा ५ अंक जोड्दै लिग चरणबाटै बाहिरिएको छ । आज हुने दोस्रो खेलमा माल्दिभ्स र भारत खेल्नेछन् । उक्त खेलको विजेताले फाइनलमा स्थान बनाउनेछ । बराबरीले भने माल्दिभ्स फाइनलमा पुग्नेछ ।

खेलको दोस्रो मिनेटमा नै बंगलादेशका टोपु बर्मनले नवयुग श्रेष्ठलाई पेनाल्टी क्षेत्रको ठिक बाहिर लडाएपछि नेपालले फ्रिकिकको अवसर पाएको थियो । उक्त फ्रिकिकमा सुजल श्रेष्ठले पोस्टतर्फ प्र हा र गर्न सकेनन् । लगत्तै दुवै टोलीले बलियो प्रस्तुति गरेपनि खेल बराबरीमा सकिएको थियो ।

Leave a Reply

error: Please Dont Copy My Content!! !!