Thursday, December 9, 2021
Home > समाचार > अत्यन्तै दुखद खबर : धन कमाउने अभिलाषा लिएर मलेसिया पुगेका धामी बाकसमा फर्किए ,छोरा छोरीको बिच्चली !

अत्यन्तै दुखद खबर : धन कमाउने अभिलाषा लिएर मलेसिया पुगेका धामी बाकसमा फर्किए ,छोरा छोरीको बिच्चली !

दार्चुला – मालिकार्जुन गाउँपालिका–३ घर भएका ३५ वर्षीय तारासिंह धामीको वैदेशिक रोजगारीको सिलसिलामा मलेसियामा मृत्यु भएको छ । तीन वर्षअघि रोजगारीको सिलसिलामा मलेसिया गएका धामीको बिहीबार बिहान ४ बजे मृतअवस्था भेटिएको परिवारले जनाएको छ ।

धामी एक होटल नजिकै मृत फेला परेका थिए । मृत्यु के कसरी भयो भन्नेबारे अहिलेसम्म केही खुल्न नसकेको मृतकका काका धरमसिंह धामीले बताउनुभयो ।

घर परिवारको एक मात्रै सहारा धामीको मृत्युले परिवारजन शोकमग्न भएका छन् । धामीका ८ र ४ वर्षीय दुई छोरा र तीन वर्षीय छोरी छन् ।

छोरी जन्मेपछि विदेशमा धन कमाउने अभिलाषा लिएर गएका धामीको मृत्युको खबरपछि पुरै गाउँ शोकमा डुबेको स्थानीय लोकेन्द्रसिंह धामीले बताउनुभयो । मृतकको शव नेपाल ल्याउनको लागि पहल शुरु गरिएको छ ।

Leave a Reply

error: Please Dont Copy My Content!! !!