Tuesday, May 18, 2021
Home > बिजनेस > दिनदिनै सुनको मुल्य यसरी ओरालो लाग्दै…

दिनदिनै सुनको मुल्य यसरी ओरालो लाग्दै…

पहेंलो धातुको मूल्य ओरालो लाग्ने क्रम जारी छ । लगातार ओरालो लागिरहेको सुनको मूल्य आज पनि तोलामा रु ९०० ले घटेको छ । स्थानीय बजारमा आज छापावाला सुन रु ९०० ले घटेर तोलामा रु ८५ हजार ६०० मूल्य निर्धारण भएको छ । छापावाला सुन बिहीबार तोलामा रु ८६ हजार ५०० मा कारोवार भएको थियो ।

यसैगरी तेजाबी सुन तोलाको रु ८५ हजार १५० मूल्य निर्धारण भएको छ । तेजाबी सुन बिहीबार तोलामा रु ८६ हजार ५० मा कारोवार भएको थियो । यस्तै चाँदीको मूल्य तोलामा रु ३५ ले घटेको छ । तोलामा रु एक हजार २८५ मा बिहीबार कारोवार भएको चाँदी आज भने रु एक हजार २५० मूल्य निर्धारण गरिएको नेपाल सुनचाँदी व्यवसायी महासङ्घले जनाएको छ ।

नारी दिवसमा फिल्म ‘आमा’ र ‘कुमारी’ प्रदर्शन हुने
काठमाडौँ । चलचित्र विकास बोर्ड तथा ब्रिटिश काउन्सिल नेपालको संयुक्त आयोजनामा पुरानो दुई नेपाली फिल्म ‘आमा’ तथा ‘कुमारी’ प्रदर्शन हुने भएका छन् । १ सय ९ औं अन्तर्राष्ट्रिय नारी दिवसको अवसर बोर्डले २४ फागुनमा ऐतिहासिक महत्व बोकेका दुई नेपाली फिल्म प्रदर्शन हुन लागेका हुन् । कार्यक्रममा बोर्डका अध्यक्ष दयाराम दाहाल, चलचित्रकर्मी शबनम् मुखिया लगायतले फिल्मको सांस्कृतिक महत्व, नेपाली फिल्ममा महिलाको अवस्थाको बारेमा पनि आफ्नो धारणा राख्नेछन् ।

फिल्म हेरेर चलचित्र बिकाश बोर्ड र ब्रिटिश काउन्सिले तत्कालिन अवस्थामा फिल्ममा नारीको भूमिका र अहिलको अवस्थामा नारीको भूमिका बिषयमा एक कार्यपत्र तयार गर्ने उदेश्यले दुई पुराना फिल्म बोर्डमा प्रदर्शन हुन लागेको चलचित्र बिकाश बोर्डका अध्यक्ष्य दयाराम दाहालले बताए । ‘आमा’ विसं २०२० मा निर्माण भएको पहिलो नेपाली फिल्म हो, ‘कुमारी’ २०२७ मा निर्माण भएको पहिलो नेपाली रंगीन फिल्म हो ।

सोही दिन ‘सांस्कृतिक कलाकृतिका रुपमा चलचित्र’ तथा ‘चलचित्रमा महिलाको अवस्था’ विषयक एक दिने अन्तरक्रियात्मक कार्यक्रम समेत आयोजना हँुदैछ । जसमा अभिनेत्री भुवन चन्द, चैत्यदेवि सिंह, मिथिला शर्मा, गौरी मल्ल, रक्षा सिंह राणा, रेखा थापा, ऋचा शर्मा लगायतले महिलाको बिषयमा बोल्नेछन् ।

Leave a Reply