Friday, April 16, 2021
Home > समाचार > कहाँ छन् विप्लव ? यसरी ल्याइदै काठमाडौं !

कहाँ छन् विप्लव ? यसरी ल्याइदै काठमाडौं !

नेपाल कम्युनिस्ट पार्टीका महासचिव नेत्रविक्रम चन्द ‘विप्लव’लाई काठमाडौं ल्याउन सरकारी पक्षले हेलिकोप्टर ‘स्ट्यान्डबाई’ राखेको छ । उच्च स्रोतका अनुसार एक निजी कम्पनीको हेलिकोप्टर ‘स्ट्यान्डबाई’ राखिएको हो । सरकार र विप्लव नेकपाबीच आज भएको तीनबुँदे सहमतिपछि विप्लव सार्वजनिक हुने भएका हुन् । प्रधानमन्त्री केपी शर्मा ओली र विप्लवले भोलि राजधानीमा एक कार्यक्रमलाई संयुक्त रूरुपमा सम्बोधन गर्ने कार्यक्रम छ ।

विप्लव कहाँ छन् भन्ने खुलाइएको छैन । स्रोतले भन्यो, “विप्लवलाई ल्याउन हेलिकोप्टर तयारी अवस्थामा छ । उनी कहाँ छन् थप जानकारी छैन । भोलि सबै कुरा खुल्नेछ ।” विप्लव पछिल्लो तीन वर्षयता सार्वजनिक कार्यक्रममा देखिएका छैनन् । तर, पार्टीनिकट सञ्चारमाध्यमलाई भने उनले अन्तर्वार्ता दिँदै आएका थिए । विप्लव नेकपामाथि ओली नेतृत्वको तत्कालीन सरकारले नै ०७५ फागुन २८ गते प्रतिबन्ध लगाएको थियो ।

प्रतिबन्धित नेपाल कम्युनिस्ट पार्टी नेत्रविक्रम चन्द ‘विप्लव’ र सरकारबीच तीन बुँदे सहमति भएको छ । दुवै तर्फका वार्ता टोलीबीच आज विहान भएको चौथो चरणको वार्तापछि तीन बूँदे सहमति भएको हो । सहमतिपछि महासचिव नेत्रविक्रम चन्द ‘विप्लव’ सार्वजनिक हुने भएका छन् । भोलि हुने एक विशेष विशेष समारोहकाबीच महासचिव चन्द सार्वजनिक हुने बताइएको छ ।

समारोहलाई प्रधानमन्त्री केपी शर्मा ओली र चन्दले सम्बधोन गर्ने तय भएको छ । चन्द पछिल्लो तीन वर्षयता भूमिगत अवस्थामा रहनुभएको छ । सरकारसँग तीन बुँदे सहमति भएपछि विप्लव समूह शान्तिपूर्ण राजनीतिमा आउन सहमति भएको हो। सहमतिसँगै सरकारले विप्लव समूहमाथिको प्रतिबन्ध हटाएको छ। सरकारले विप्लव समूहका पक्राउ परेका सम्पूर्ण बन्दीको रिहाइ र मुद्दा खारेजी गर्ने सहमतिसमेत गरेको छ।

वार्ता लागि नेपाल सरकारबाट गृहमन्त्री रामबहादुर थापा ‘बादल’को संयोजकत्वमा र विप्लव समूहबाट पार्टी प्रवक्ता खड्गबहादुर विश्वकर्मा ‘प्रकाण्ड’ को नेतृत्वमा वार्ता टोली गठन भएको थियो। सहमतिको विस्तृत विवरण शुक्रबार २ बजे एक कार्यक्रम आयोजना गरी प्रधानमन्त्री केपी शर्मा ओली र विप्लव समूहका महासचिव विप्लवले सम्बोधन गर्ने प्रेस नोटमा उल्लेख गरिएको छ।

Leave a Reply