Saturday, July 17, 2021
Home > समाचार > निर्मला हत्या काण्ड : एसपी विस्ट र उनको छोरा जेल जादै -भिडियो सहित

निर्मला हत्या काण्ड : एसपी विस्ट र उनको छोरा जेल जादै -भिडियो सहित

काठमाडौं – कञ्चनपुरको भीमदत्त नगरपालिका– २ की १३ वर्षीया किशोरी निर्मला पन्तको बलात्कारपछि हत्या भएको दुई महिना पुग्न लागिसकेको छ । तर उनको बलात्कार र हत्यामा को–को संलग्न थिए भन्ने विषय अझै पनि पत्ता लाग्न सकेको छैन ।

निर्मलाको बलात्कार र हत्यामा संलग्नलाई कारवाहीको माग गर्दै देशभर विरोध प्रदर्शन भएपछि सरकारले निर्मला हत्याको प्रारम्भिक अनुसन्धानमा संलग्न केही प्रहरी अधिकारीलाई निलम्बन गरेको छ ।

निर्मला पन्तको बलात्कार र हत्यासँग सम्बन्धित प्रमाण प्रहरीले नै नष्ट गरिसकेकाले अहिलेको अनुसन्धान प्रक्रिया जटिल बन्दै गएको छ । निर्मला पन्तको बलात्कारपछि भएको हत्यासम्बन्धी घटनाको अनुसन्धानका लागि गठित उच्चस्तरीय समितिले अहिले दोस्रो चरणको अनुसन्धान अगाडि बढाएको छ । उच्चस्तरीय समितिलाई अनुसन्धानमा सघाउन प्रहरीको केन्द्रीय अनुसन्धान ब्यूरोका एसएसपी ठाकुर ज्ञवाली नेतृत्वको टोली पनि सक्रिय छ ।

उच्चस्तरीय छानबिन समिति र एसएसपी ज्ञवाली नेतृत्वको सीआईबीको टोलीले गरेको छानबिनका आधारमा अहिले ३० जनामाथि गोप्य अनुसन्धान भइरहेको प्रहरी स्रोतको भनाइ छ । घटनामा शंकास्पद भूमिका रहेको भनिएका व्यक्ति र उनीहरूसँगको सम्पर्कमा रहेका व्यक्तिमाथि अनुसन्धान भइरहेको प्रहरी स्रोतले लोकान्तरलाई जानकारी दियो ।

‘हामीले ३ पक्षलाई केन्द्रमा राखेर उनीहरूसँग सम्पर्कमा रहेका व्यक्तिमाथि अनुसन्धान शुरू गरेका थियौं,’ प्रहरीको उच्च स्रोतले लोकान्तरसँग भन्यो, ‘अहिले करीब ३० जनामाथि गोप्य अनुसन्धान भइरहेको छ ।’

प्रहरी स्रोतका अनुसार यसरी गोप्य अनुसन्धानको दायरमा रहेका ३० जनामा स्थानीय राजनीतिक दलका नेता, केही जनप्रतिनिधि, सामाजसेवी भनिएका व्यक्ति र केही सरकारी भूमिकामा रहेका व्यक्ति पनि छन् । ‘निर्मलाको हत्या गर्ने व्यक्तिलाई जोगाउनका लागि उनीहरूको भूमिका रहेको हुनसक्ने आशंकाका आधारमा हामीले अनुसन्धान गरिरहेका छौं,’ प्रहरी उच्च स्रोतको भनाइ छ, ‘हत्या र बलात्कारसँग सम्बन्धित बलिया प्रमाणहरू सबै नस्ट गरिएकाले अब बाहिरी घेराबाट अनुसन्धान गर्नुपर्ने भएको छ । यसमा पहिलो चरणमा कल डिटेलबाट अनुसन्धान शुरू गरिएको छ ।’

निर्मलाको बलात्कार र हत्या प्रकरणमा प्रहरी प्रधान कार्यालय अन्तर्गतको अपराध अनुसन्धान विभाग (सीआईडी) र केन्द्रीय अनुसन्धान ब्यूरो (सीआईबी)को टोलीले संयुक्त रूपमा कल डिटेलको अनुसन्धान गरिरहेको छ ।

Leave a Reply

error: Please Dont Copy My Content!! !!