Sunday, January 17, 2021
Home > समाचार > प्रधानमन्त्री ओली यतिबेला भारत लैजाने तयारी गरिदै

प्रधानमन्त्री ओली यतिबेला भारत लैजाने तयारी गरिदै

काठमाण्डौ । प्रधानमन्त्री केपी शर्मा ओलीले केही दिन अघिमात्रै प्रतिनिधिसभा बिघटन गरेका छन् । ओलीको यो कदमसंगै यतिबेला मुलुकमा उनको चर्को आलोचना गरिएको छ । देशमा राजनीतिक अवस्था उथुल पुथुल भईरहंदा प्रधानमन्त्री भने भारत भ्रमणको तयारीमा जुटिरहेका छन् । प्रधानमन्त्रीको भारत भ्रमणको आन्तरिक तयारी शुरु गरिएको छ ।

उच्च स्रोतका अनुसार प्रधानमन्त्रीको भारत भ्रमण पुस २० गतेभित्र हुने गरी दुबैतर्फका कूटनीतिक र राजनीतिक संयन्त्र परिचालन भइसकेका छन् । भ्रमणको निम्तो आएको छ तर यस्तो बेला जान हुने कि नहुने भन्नेमा यो विषय विचाराधिन अवस्थामा रहेको छ ।

यसअघि भारतीय अन्तर्राष्ट्रिय खुफिया एजेन्सी ‘र’ का प्रमुखले प्रधानमन्त्री ओलीसँग मध्यरात बालुवाटारमा गोप्य भेटघाट गरेका थिए । त्यसपछि लगालग भारतीय सेना प्रमुख,विदेश सचिव र सत्तारुढ जनता पार्टीका विदेश विभाग प्रमुखले नेपालको भ्रमण र प्रधानमन्त्री ओलीसँग भेटवार्ता जारी राखेका छन् ।

गत वर्षदेखि चिसिएको दुई देशको सम्बन्ध सुधार्न भन्दै पछिल्लो चार महिनामा भारतबाट भएका औपचारिक तथा अनौपचारिक उच्चस्तरीय भ्रमणपछि पुस पहिलो साता परराष्ट्र मन्त्री प्रदीप ज्ञवालीले भारतको औपचारिक भ्रमण गर्ने गृहकार्य भइरहेको थियो ।

तर,अहिले एकाएक मुलुकमा चरम राजनीतिक संकट र अस्तव्यस्तताबीच प्रधानमन्त्रीको भारत भ्रमणको लागि आवश्यक गृहकार्य थालिएपछि राजनीतिक वृत्तमा यो भ्रमणलाई विभिन्न दृष्टिकोणबाट हेरिएको पनि छ ।

Leave a Reply

error: Please Dont Copy My Content!! !!