Monday, November 30, 2020
Home > समाचार > घूससहित समातिए सशस्त्र प्रहरी यी जवान

घूससहित समातिए सशस्त्र प्रहरी यी जवान

महोत्तरी– महोत्तरीमा सशस्त्र प्रहरीका एक जवान घूससहित पक्राउ परेका छन् । गौशाला नगरपालिकाको रामनगरस्थित सशस्त्र प्रहरी बल, सुरक्षा बेस क्याम्पमा कार्यरत सशस्त्र प्रहरी जवान उमेश चौहान १७ हजार ६ सय रुपैयाँ घूस रकमसहित पक्राउ परेको अख्तियार आयोगले जनाएको छ ।

चौहानले घरायसी प्रयोगका लागि काठ दाउरा लैजान सहजीकरण गरिदिएवापत सेवाग्राहीसँग घूस माग गरिरहेको भन्ने सूचना र उजुरीका आधारमा गएको अख्तियार दुरुपयोग अनुसन्धान आयोग बर्दिवासबाट गएको टोलीले उनलाई नियन्त्रणमा लिएको हो ।

धरौटी नलिई कोरोना संक्रमितको उपचार गर्न सरकारी अस्पताललाई निर्देशन

काठमाडौं– स्वास्थ्य तथा जनसंख्या मन्त्रालयले धरौटी नलिई कोरोना संक्रमितको उपचार गर्न सरकारी अस्पताललाई निर्देशन दिएको छ। आइतबारको नियमित प्रेस ब्रिफिङमा मन्त्रालयका प्रवक्ता डा जागेश्वर गौतमले धरौटी नलिई संक्रमितको उपचार गर्न सबै सरकारी अस्पताललाई निर्देशन दिएको जानकारी दिएका हुन् ।

कोरोना संक्रमितसँग धरौटी रकम माग गर्ने सबै सरकारी अस्पतालसँग स्पष्टीकरण मागिएको समेत उनले जनाए ।

‘सरकारी अस्पतालहरु सबैलाई धरौटी नलिइ कोभिड १९ का बिरामीको उपचार गर्न निर्देशन दिइएकोमा धरौटी सम्बन्धी सूचना निकाल्ने सबैलाई स्वास्थ्य तथा जनसंख्या मन्त्रालयबाट स्पष्टीकरण सोधिएको जानकारी गराउन चाहन्छु,’ प्रवक्ता डा गौतमले भने, ‘सक्नेलाई शुल्क लिने र नसक्नेलाई निशुल्क उपचार गर्ने हाम्रो पूर्ववत निर्णय यथावत रहेको कुरा पनि जानकारी गराउन चाहन्छु ।’

सरकारले कोरोना संक्रमितको उपचार संक्रमित आफैले खर्च गर्ने भनेपछि शुक्रराज ट्रपिकल तथा सरुवा रोग अस्पताल, सिभिल अस्पताल लगायतका सरकारी अस्पतालले समेत कोरोना संक्रमितले अस्पतालमा भर्ना हुनु अगाबै धरौटी रकम बुझाउनुपर्ने भन्दै सूचना जारी गरेका थिए ।

शुक्रराज अस्पतालले कोरोना संक्रमितको अवस्था अनुसार २० हजार देखि ५० हजारसम्म धरौटी रकम बुझाउनुपर्ने बताएको थियो ।

यस्तै धुलिखेल अस्पताल लगायत केही मेडिकल कलेज तथा निजी अस्पतालहरुले पनि ५० हजारदेखि २ लाख सम्म धरौटी रकम बुझाएपछि मात्र अस्पतालमा भर्ना गरिने सूचना मार्फत जानकारी गराएका थिए ।

स्वास्थ्य मन्त्रालयले कोरोनाका कारण मृत्यु भएकाहरुको विवरण फरक–फरक आएकाले त्यसको विषयमा छानव‍िन गर्न समिति गठन गरेको पनि प्रवक्ता डा गौतमलले जानकारी दिए ।

प्रवक्ता डा गौतमले स्वास्थ्य तथा जनसंख्या मन्त्रालयका सहसचिव, इपिडिमियोलोजी तथा रोग नियन्त्रण महाशाखाका महाशाखाका प्रमुख र सीसीएमसीका चिकित्सकसहित तीन सदस्यीय समिति गठन गरी संक्रमितको मृत्युको विवरणबारे छानविन भइरहेको जानकारी दिए ।

डा गौतमले काठमाडौं उपत्यका लगायतका घना बस्ती कोरोना संक्रमण उच्च रहेकाले जनस्वास्थ्यको मापदण्ड पूर्ण रुपमा पालना गर्न समेत अनुरोध गरे ।

Leave a Reply

error: Please Dont Copy My Content!! !!