Saturday, September 26, 2020
Home > अन्तराष्ट्रिय > इजरायलले दोस्रो पटक लकडाउन गर्न लागेकाे भन्दै मन्त्रीले दिए राजीनामा

इजरायलले दोस्रो पटक लकडाउन गर्न लागेकाे भन्दै मन्त्रीले दिए राजीनामा

एजेन्सी, २९ भदाै ।

कोरोना भाइरस नियन्त्रणका लागि इजरायलले दोस्रो पटक लकडाउन गर्ने भएको छ । इजरायलले आउने शुक्रबारदेखि देशभर दोस्रो पटक लकडाउन गर्ने भएको बीबीसीले जनाएको छ ।

यस्तै यहुदीको नयाँ वर्षमा पनि कडा प्रतिबन्ध लागू हुने भएको छ । इजरायलका प्रधानमन्त्री बेन्जामिन नेतन्याहुले यो पटक पनि नागरिकले ठूलो मूल्य चुकाउन आवश्यक भएको बताएका छन् । इजरायलमा पछिल्लो समय दैनिक ४ हजार कोरोनाका नयाँ सङक्रमित थपिने गरेका छन् ।

लकडाउनको विरोधमा इजरायलका एक मन्त्रीले पदबाट राजिनामा समेत दिएका छन् । उनले सत्ताधारी पार्टीसँगको आफ्नो समर्थन पनि फिर्ता लिने बताए ।

९० लाख जनसंख्या रहेको इजराइलमा कोरोनाका कारण अहिलेसम्म एक हजार १ सय ८ जनाको ज्यान गइसकेको छ भने १ लाख ५३ हजार भन्दा धेरैमा सङक्रमण पुष्टि भइसकेको छ ।

Leave a Reply

error: Please Dont Copy My Content!! !!