Tuesday, September 29, 2020
Home > समाचार > फेरि आयो दुःखद खबरः अस्पतालले भर्ना लिन नमानेकै कारण एक महिला सहित शिशुकाे समेत निधन!

फेरि आयो दुःखद खबरः अस्पतालले भर्ना लिन नमानेकै कारण एक महिला सहित शिशुकाे समेत निधन!

विराटनगर । प्रसुती गराउन सरकारी अस्पताल लगिएकी महिललाई अस्पतालले भर्ना नगरिदिएका कारण ज्यान गुमाउनु परेको छ । सुत्केरी ब्यथा लागेर विराटनगरको कोशी अस्पताल लगिएकी एक महिलालाई अस्पतालले भर्ना नलिएपछि घर फर्काइएकी ३० वर्षीयाको निधन भएको हे । अस्पतालको लापरवाहीका कारण विराटनगर महानगरपालिका–६ सुकुम्बासी टोलकी विमला ऋषिदेवको निधन भएको छ । उनी चौथो पटक सुत्केरी हुन लागेकी थिइन् ।

२ छोरी र १ छोरालाई जन्मदिएकी महिला चौथो पटक सुत्केरी हुन लागेकी थिइन् । उनको छोराको पनि निधन भएको छ । दुई पटक शल्यकृया गरिएको थियो । अस्पतालले तेस्रो पटक शल्यकृया गर्न नमिल्ने र वेड समेत खाली नभएको भन्दै फर्काएको थियो । सरकारी अस्पतालले भर्ना नलिएपछि नीजि अस्पताल लैजान पैसाको जोहो गर्दागर्दै सुत्केरीको निधन भएको हो ।

प्रसूति व्यथाले च्यापेपछि अन्तिम अवस्थामा उनलाई श्रीमान शिवु ऋषिदेवले बिहीबार बिहान १ बजेतिर अस्पताल लगेको भएपनि अस्पताललेबेड खाली नभएको भन्दै नीजि अस्पताल लैजान भनेको थियो । अस्पतालले भर्ना नलिएपछि घर फर्काएर नीजि अस्पताल लैजाने पैसाको जोहो गर्दा गर्भवतीको निधन भएको हो ।

बच्चा जन्माउन नसक्दा बिहीबार बिहान ४ बजेतिर महिलाको निधन भएको स्थानीय विकेश मुखियाले बताए । निधन पछि पनि शव अन्त्यष्टि गर्न समेत पैसा नभएपछि छिमेकी र जनप्रतिनिधिले सहयोग गरेका छन् । श्रीमानका अनुसार घर फर्काएर ल्याएको केही बेरमा उज्यालो हुन नपाइकन व्यथाले च्यापेर छटपटाउँदा छटपटाउँदै महिलाको निधन भएको हो । अस्पतालले प्रसूतिका लागि सहयोग नगर्दा महिला र बच्चा दुवैको ज्यान गुमेको छ ।

उनका अनुसार दुई पटकसम्म शल्यक्रिया गरेर प्रसूति गराइसकेको हुँदा तेस्रो पटक शल्यक्रिया गर्न नमिल्ने जवाफ पनि अस्पतालले दिएको छ । पारिवारिक आर्थिक अवस्था कमजोर भएको ऋषिदेव परिवारले ज्यालामजदुरी गरेर जीविका चलाउँदै आएको स्थानीयले बताए । सुनसरीको दुहवी घर भएका शिवु केही समयदेखि विराटनगरमा परिवारसहित बस्दै आएका थिए ।

अस्पतालका मेडिकल सुपरिटेन्डेन डा चुमनलाल दासले गर्भवती महिललाई फर्काउने नीति अस्पतालको नभएको जनाएका छन् । उनले आफ्नो अस्पतालवाट गर्भवतीलाई पठाइएको हो भने छानविन गरेर कारवाही गर्ने बताएका छन् । प्रसूतिका लागि ल्याइएका महिलालाई फिर्ता पठाउनु गम्भीर लापरबाही र गल्ती हो ।उनले भनेका छन् ।

Leave a Reply

error: Please Dont Copy My Content!! !!