Friday, October 23, 2020
Home > समाचार > सप्तरीमा फेरि थपियो निषेधाज्ञा

सप्तरीमा फेरि थपियो निषेधाज्ञा

राजविराज । जिल्ला प्रशासन कार्यालय सप्तरीले पुनः एक साता निषेधाज्ञा थप गरेको छ । जिल्लामा कोरोना संक्रमित बढ्दै गएपछि जिल्ला प्रशासन कार्यालय सप्तरीले पहिलो पटक गत साउन ८ गते रातिबाट निषेधाज्ञा जारी गरेको थियो । पहिलो चरणमा राजविराज नगरपालिका क्षेत्रमा मात्र निषेधाज्ञा थियो भने पुनः साउन २३ गतेदेखि जिल्ला भरनै निषेधाज्ञा जारी गरिएको थियो ।

त्यसपछि तेश्रो चरणमा भदाै २ गते देखि भदाै १५ गतेसम्मका लागि निषेधाज्ञाको समय थपिएको थियो । कोरोना संक्रमण बढ्दै गएपछि चौथो पटक भदाँै २३ गतेसम्मका लागि निषेधाज्ञा थप गरिएको जिल्ला प्रशासन कार्यालय सप्तरीले जनाएको छ ।

कोभिड–१९ जिल्ला संकट व्यवस्थापन समितिको आज बसेको वैठकबाट निषेधाज्ञाको म्याद थप्ने निर्णय गरेको प्रमुख जिल्ला अधिकारी शंकरहरि आचार्यले जानकारी दिए ।

कोरोना भाइरसको जोखिम कायमै रहेको तथा समुदायिकस्तरमै संक्रमण फैलिदँै गएकाले निषेधाज्ञाको समय थप गरिएको उनले बताए । यस अवधिमा अत्यावश्यक सामग्री खरिदका लागि बिहान १० बजेसम्म पसलहरु खोल्न दिने भएको छ ।

यस बैठकबाट राजविराज नगरपालिका, हनुमाननगर कंकालिनी नगरपालिका र तिलाठी कोइलाडी गाउँपालिका कोरोना संक्रमणको उच्च जोखिममा रहेको ठहर गर्दै निषेधाज्ञा अवधिमा यी ३ वटै स्थानीय तहमा रहेका अत्यावश्यक सेवा बाहेकका अन्य सेवा बन्द गर्ने निर्णय समेत गरेको छ ।

Leave a Reply

error: Please Dont Copy My Content!! !!