Wednesday, May 27, 2020
Home > जीवनशैली > अप्रिल २१ को दिन थियो, कामबाट आएपछि उहाँको मलिन अनुहार, रातो–रातो आँखा देखेर मलाई डर लाग्न थाल्यो ।(पुरा पढ्नुहोस)

अप्रिल २१ को दिन थियो, कामबाट आएपछि उहाँको मलिन अनुहार, रातो–रातो आँखा देखेर मलाई डर लाग्न थाल्यो ।(पुरा पढ्नुहोस)

जताततै विश्वलाई नै त्रसित बनाउने प्राणघातक भाइरस कोरोनाकै चर्चा छ । हामी सपरिवार यूएईको अबुधाबीमा बस्छौं । मेरो श्रीमान (भेषराज ढकाल) को जागिर अस्पतालमा थियो । यहीक्रममा सुरु भयो कोरोना नामको महामारीको संसार यात्रा ।

लेखिका

गत अप्रिल १९ तारिखसम्म उहाँ काममा जाने आउने गर्दै हुनुहुन्थ्यो । एकदिन उहाँलाई हल्का रुघा लागेजस्तो, ज्वरो आउने, घाँटी दुख्ने, घाँटीमा केही अडकिएको जस्तो हुन थाल्यो । त्यति हुँदा पनि सिटामोल खाँदै काम गरिरहनु भएको थियो । २१ अप्रिलको दिन थियो । कामबाट आएपछी उहाँको मलिन अनुहार, रातो–रातो आँखा देखेर मलाई डर लाग्न थाल्यो ।

अनि रातीको १० बजे कराउँदै हस्पिटल लिएर गएँ । एक्स रे गरियो, इसिजी गरियो, ज्वरो र रक्तचाप र स्वाब जाँच भयो । त्यसपछी घर फर्कियौं । अस्पतालले उहाँलाई १४ दिनको विरामी विदा दियो । अस्पतालले २४ अप्रिलमा फोन गरेर सबै विमारको विवरण माग्यो र तपाइँलाई कोरोना संक्रमण भएको छ भन्ने जवाफ दियो । उहाँ अस्पतालकै कर्मचारी भएकोले घरमै बस्ने कि अस्पताल जाने भनेर सोधियो । उहाँले म लगायतका परिवारका सदस्यको सुरक्षाको निम्ति पनि अस्पतालमा नै बस्छु भन्नु भयो । आफैले काम गर्ने अस्पतालमा फोन गरेर इञ्चार्जलाई खबर गर्नु भयो । बेड व्यवस्थापन गरेर कार्यालयबाट फोन आएपछी आफै अस्पताल गएर भर्ना हुनुभयो ।

युएई हेल्थ ल अनुसार क्वारेन्टाइनमा बसेको ४ दिनपछी उहाँको स्वाब जाँच भयो । त्यसपटक पनि पोजिटिभ नै आयो । त्यसपछी उहाँले दैनिक ३०–४५ मिनेट ब्यायाम गरेर शरीर तताउने, पर्याप्त मात्रामा पकाएको अदुवाको पानी सेवन गर्ने, विद्युतीय भाँडोमा पानी तताएर त्यसको तातो बाफ लिने र भिटामिन सी युक्त जस्तैः कागती, सुन्तला, आँप जस्ता खाने कुराहरुमा जोड दिनु भयो । खानामा प्याज, जस्ले मिठो निन्द्रा लगाउँछ, लसुन, जस्ले पाचन प्रणालीमा सहयोग पुर्याउँछ, त्यसको प्रयोग बढाइयो । उहाँको अर्को जाँच मे ७ मा भयो ।

अब उहाँको कोरोना रिपोर्ट सर्लक्कै नेगेटिभ आयो । उहाँ खुशीले हाम्फाल्दै घर आउनु भयो । फेरि मे को १४ मा अर्को जाँच गरियो । त्यसको नतिजा पनि नेगेटिभ नै आयो । त्यसपछि उहाँ पूर्णरुपमा आफ्नो दैनिकीमा फर्किनु भयो । मेरो श्रीमानले आत्मबल र आत्म विश्वासकै कारण कोरोनाई जित्नु भएको हो भन्ने मलाई लागेको छ । खानपानमा ध्यान दिने र ब्यायाम गर्ने आफूलाई कमजोर नठान्ने र म कोरोनालाई जित्छु भन्ने ठानेर मनोबल ठूलो बनाउने गर्नुस् । यति गरेमा सामान्यतया कोरोनालाई जित्न सकिन्छ ।

त्यसकारण उहाँलाई कोरोना निको बनाउन सफल केही कुराहरु यहाँहरुको लागि लेख्छु ल ।

१) पानीमा अदुवा पकाएर मह र कागती राखेर खानु होला । २) दैनिक सामान्य शारिरीक ब्याम गरेर शरीरलाई तातो राख्ने गर्नुहोला । ३) चिसो खाने कुरा विल्कुल नखानु होला । ४) प्याज, लसुन र घरमा पाइने गरम मसलाहरु प्रयोग गर्ने गर्नुहोला । ५) ४–५ पटक पानी उमालेर बाफ लिने गर्नुहोला ।

६) मनोवल कमजोर हुन नदिनुहोला । ७) मास्क प्रयोग गर्ने अनि जताततै थुक्ने काम नगर्नु होला किनकी कोरोनाको बिमारीको थुकबाट निस्किने जिवाणु हावा मार्फत् सजिलै अर्को ब्यक्तिमा सर्न सक्छ । ८) तातो झोलमा गरम मसला प्रयोग गरेर पिउनाले चिटचिट पसिना आउँछ तर हाम्रो शरीर तात्नु नै भाइरसलाई कमजोर पार्नु हो ।
९) हौसला बढाउन आफ्ना–आफन्तसँग कुरा गर्ने, मनोरञ्जन भएका चलचित्रहरु हेरेर आफूलाई मानसिक रूपमा पनि तन्दुरुस्त बनाउनाले कोरोना धेरै चाँडो निको हुन्छ ।

Leave a Reply