Friday, April 16, 2021
Home > समाचार > नागढुङ्गास्थित चेकप्वाइन्टमा जब एक युवतीलाई प्रहरीले चेक गर्दा प्रहरी नै चकित !

नागढुङ्गास्थित चेकप्वाइन्टमा जब एक युवतीलाई प्रहरीले चेक गर्दा प्रहरी नै चकित !

रोशन दानी, काठमाडौं, १० फागुन । प्रहरीले नागढुङ्गास्थित चेकप्वाइन्टबाट लागूऔषध खैरो हेरोइनसहित एक युवतीलाई नियन्त्रणमा लिएको छ । आइतबार महानगरीय प्रहरी प्रभाग नागढुङ्गाले चेकजाँच गर्ने क्रममा लागूऔषध खैरो हेरोइनसहित झापा शिव सत्तासी नगरपालिका–११ की २३ वर्षीया विना डाँगीलाई नियन्त्रणमा लिएको हो ।

महानगरीय प्रहरी बृत्त थानकोटका अनुसार काँकडभित्ताबाट काठमाडौं आउँदै गरेको ना ७ ख ५७०२ नम्बरको बसमा सवार डाँगीको साथबाट ४.२६ ग्राम खैरो हिरोइन फेला पारिएको छ । डाँगीमाथि लागूऔषध (नियन्त्रण) ऐन २०३३ बमोजिम आवश्यक अनुसन्धान तथा कारबाही भइरहेको प्रहरीले जनाएको छ ।

प्रधानमन्त्री ओलीकाे ६९औं जन्मोत्सव पुर्ख्यौली घरमा

प्रधानमन्त्री केपी शर्मा ओलीले आफ्नो ६९औं जन्मोत्सव पुर्ख्यौली घर तेह्रथुमको आठराई गाउँपालिकामा पुगेर मनाउनुभएको छ । २००८ साल फागुन ११ गते आजकै दिन उहाँ तेह्रथुमको साविक इवा गाविसको तीनसल्लेमा जन्मिनुभएको थियो ।

प्रधानमन्त्री ओली जन्मदिन मनाउन धर्मपत्नी राधिका शाक्कय, बुवा मोहनप्रसाद ओली, नेकपा संसदीय दलका उपनेता सुवास नेम्वाङ, प्रदेश नं १ का मुख्यमन्त्री शेरधन राई, स्वास्थ्य तथा जनसङ्ख्यामन्त्री भानुभक्त ढकाल, खानेपानी मन्त्री बिना मगर, सङ्घीय सांसद विजय सुब्बा र गणेश विमलील लगायतसँग जन्मदिन मनाउन जन्मस्थान आठराई पुग्नुभएको हो ।

उहाँलाई तेह्रथुमबाट निर्वाचित सङ्घीय सांसद भवानीप्रसाद खापुङ, प्रदेशसभा सदस्य लक्ष्मण तिवारी र तेजमान कन्दङ्वा, गाउँपालिका अध्यक्ष मानबहादुर लिम्बू र स्थानीयवासीले भव्य कार्यक्रमको आयोजना गरेर स्वागत गरेका थिए ।

प्रधानमन्त्री ओली आउने भएपछि आठराई गाउँपालिकाले सार्वजनिक विदासमेत दिएको थियो । उहाँको स्वागतमा आठराईका चोकचोकमा स्वागतद्वार बनाइएका थिए । उहाँले जन्मदिनकै अवसरमा आठराईका २ हजार विद्यार्थीलाई शैक्षिक सामग्री वितरण गर्नुभएको छ ।

त्यसैगरी उहाँले स्थानीय २ सय वृद्धवृद्धालाई न्यानो कपडा पनि वितरण गर्नुभएको छ । साथै आजै उहाँले छातेढुंगास्थित सुकेपोखरीबाट आफ्नो जन्मघर हुँदै ताप्लेजुङ्गको ढुङ्गेसाँघुमा रहेको तत्कालीन एमाले महासचिव मदन भण्डारीको जन्मघरसम्म पुग्ने मोटरबाटोको शिलान्यास गर्नुभयो।

यसअघि नै बेचविखन भइसको जग्गा पहिलोपटक ओली प्रधानमन्त्री हुँदा पुन आफ्नो नाममा लिनुभएको थियो ।

Leave a Reply