Saturday, April 17, 2021
Home > धर्म सँस्कृति > फेरि आयो दोलखा भिमसेनलाई पसिनाः अनिष्ट हुने डरले थालियो यस्तो कठोर पुजा!

फेरि आयो दोलखा भिमसेनलाई पसिनाः अनिष्ट हुने डरले थालियो यस्तो कठोर पुजा!

चरिकोटमा रहेको सुप्रसिद्ध भीमेश्वर मन्दिरका चमत्कार देखिएको छ । यहाँ देवता भीमसेनलाई १७ औं पटक पसिना आएको छ । भीमसेनलाई पसिना आउँदा देशमा अनिष्ट वा शुभ हुने धार्मिक मान्यता रहेको छ । आज बिहान ६ बजेर २८ मिनेटदेखि ७ बजेर २५ मिनेटसम्म एकघण्टा पसिना आएको बताइएको छ । भीमेश्वर मन्दिर तथा पूजा व्यवस्थापन समितिका अध्यक्ष भरत श्रेष्ठले १७ औं पटक पसिना आएको जानकारी दिनुभयो ।

भीमेश्वरको शिलाको दायाँबायाँ दुवै भागबाट पसिना आएको उहाँले जानकारी गराउँनुभयो । दायाँ पट्टिबाट पसिना आउँदा राजापक्षलाई र बायाँपट्टिबाट पसिना आउँदा जनतालाई अनिष्ठ हुने धार्मिक विश्वास रहँदै आएको छ । भीमेश्वरको शिलामा पसिना आएपछि मन्दिर व्यवस्थापन तथा गुठियारले स्थानीयरुपमा क्षमा पूजा अर्चना गरेका छन् ।

थप क्षमा पूजाका लागि शिलामा आएको पसिना पुछेको रुवा जिल्ला प्रशासन कार्यालयको रोहवरमा गृहमन्त्रालयमार्फत राष्ट्रपतिको कार्यालयमा ल्याउने व्यवस्था गरिएको छ । राजाको पालामा पसिना आउँदा भने राजदरबाट क्षमा पूजाको लागि पञ्चवुली पठाउने चलन थियो ।

विगतमा २०६२–०६३ को जनआन्दोलनको एक महिनाअघि, तत्कालिन राजा विरेन्द्र बं’श ना’श हुनुभन्दा करिब डेढ महिना अघि र १९९० सालको भूकम्प आउनुभन्दाअघि भीमेश्वरलाई पसिना आएको बताइन्छ । २०७४ असोज १० गते आएको पसिनापछि देशमा स्थानीय तह र संघीय नेपालमा सफलतापूर्वक निर्वाचन सम्पन्न भएको थियो भन्ने विश्वास गरिन्छ ।

Leave a Reply