Thursday, May 6, 2021
Home > समाचार > निर्मला हत्या प्रकरण अपडेटः दिलीप विष्ट को हुन् ? यस्तो खुल्यो अहिले सम्मकै ठुलो भित्री रहस्य

निर्मला हत्या प्रकरण अपडेटः दिलीप विष्ट को हुन् ? यस्तो खुल्यो अहिले सम्मकै ठुलो भित्री रहस्य

काठमाडौं, २७ भदौ । राष्ट्रिय मानवअधिकार आयोगको कार्यक्रममा सहभागिताका लागि बिहीबार महेन्द्रनगर आइपुगेका प्रहरी महानिरीक्षक (आइजिपी) सर्वेन्द्र खनालले शुक्रबार बिहान गत १० साउनमा बलात्कारपछि हत्या गरिएकी बालिका निर्मला पन्तका मातापिता दुर्गादेवी र यज्ञराजलाई भेटे । ‘प्रहरीको सुरुवाती भूमिकाप्रति तपाईंहरूको असन्तुष्टि देखिएपछि नयाँ अनुसन्धान टोली बनाएर काम भइरहेको छ ।

नयाँ टोलीले गम्भीरतापूर्वक अनुसन्धान गरिरहेको छ । निर्मलालाई बलात्कार गरी हत्या गर्ने व्यक्ति जतिसुकै शक्तिशाली भए पनि कानुनी दायरामा ल्याइन्छ । उसलाई छाडिन्न,’ भेटमा के कुरा भन्नुभयो भन्ने प्रश्नको जवाफमा आइजिपी खनालले भने ।

त्यसपछि उनलाई सोधियो, ‘त्यसो भए मुख्य अभियुक्त भन्दै गत ४ भदौमा पक्राउ गरिएका दिलीपसिंह विष्टचाहिँ को हुन् ? के उनी अवास्तविक र छद्म अभियुक्त हुन् ?’ जवाफमा आइजिपी खनालले भने, ‘अनुसन्धानका क्रममा शंकाको घेरामा आएका मानिसहरूलाई गिरफ्तार गरी सोधपुछ गरिन्छ । दिलीपमाथि पनि कानुनसम्मत ढंगले अदालतबाट म्याद लिएर सोधपुछ भइरहेको छ ।’

आयोगको कार्यक्रममा प्रदेश ७ का आन्तरिक मामिला तथा कानुनमन्त्री प्रकाश शाहले झन् चर्को स्वरमा भने, ‘निर्मलाका अपराधी अन्तरिक्षमै भए पनि पक्राउ गर्छौँ ।’ स्थानीय र पीडित परिवारको आशंका तत्कालीन प्रहरी नेतृत्वप्रति रहिरहेको बुझेका आइजिपी खनालले सोही कार्यक्रममा भने, ‘एसपी हुँदा नै डिएसपीलाई बाँकी नराखेको मान्छे हुँ । यस घटनामा कुनै प्रहरी कर्मचारी दोषी देखिए एसपी त के, एआइजीसम्मलाई छाडिन्न ।’

कानुनमन्त्री शाहले भने, ‘अपराधी जुनसुकै शक्ति, सत्ता र पदको भए पनि पक्राउ गरिछाड्छौँ भनेको हुँ । पृथ्वी छाडेर ब्ल्याक होलमा गएको भए पनि वा समुद्रमुनि भए पनि अपराधी उम्कनेछैन ।’ अपराधी अर्कै भए दिलीपलाई चाहिँ किन पक्रिएको भन्ने प्रश्नको उत्तरमा उनले भने, ‘छानबिन समितिको अनुसन्धान अन्तिम मोडमा छ । दुई–चार दिन पर्खनुस्, दूधको दूध, पानीको पानी हुन्छ ।’

Leave a Reply