Sunday, July 11, 2021
Home > समाचार > हिसाब गोलमाल भएपछि वाणिज्य बैंकमा मच्चियो यस्तो ताण्डव

हिसाब गोलमाल भएपछि वाणिज्य बैंकमा मच्चियो यस्तो ताण्डव

तुलसीपुर : राष्ट्रिय वाणिज्य बैँक तुलसीपुर शाखामा कारोबार बन्द भएको छ । सोमवार बैकमा भएको कारोबारको हिसाबमा समस्या आएपछि मंगलवार अबेरसम्ममा पनि बैँकले सेवा दिन सकेको छैन ।

तीजको अघिल्नो दिन बैँकले कारोबार रोक्दा सेवाग्राहीहरु मर्कामा देखिएका छन । ‘बिहान पौने १० बजे आएर बसेको अहिलेसम्म गेट खुल्दैन,’ सेवाग्राही मनोहरी थापाले भने, ‘हिजोको हिसाब मिलेको छैन रे, त्यसले आज अहिलेसम्म हामीले सास्ती भोगिरहनु परेको छ ।’

कर्मचारीको लापरबाहीका कारण जनताले सास्ती पाएको उनले गुनासो गरे । उनले तीजमा सामान किन्न पैसा निकाल्न आएको दुई घण्टासमममा पनि कारोबार सुरु नहुँदा रित्तै फर्किने अवस्था रहेको बताए ।

सेवाग्राही नवीना पोख्रेलले पसलमा सामान किन्दा किन्दै पैसा अपुग भएपछि बैकमा पैसा निकान्ल आएको बताइन् । ‘तीजलाई भनेर पसलमा सामान किनेर राखेको छ’, पोख्रेलले भनिन, ‘केही पैसा अपुग भएपछि निकाल्न आएको अहिले आज कारोबार नै गरेको रहेनछ ।’

उनले चाडपर्वमा बैकले सधै यसैँगरी दुख र सास्ती दिने गरेको उनले गुनासो गरिन् । बैंकमा कारोबारमा समस्या देखिएपछि कर्मचारीहरु समेत सेवाग्राहीसँग झोक्किँदै हप्काउनेसम्म गरेको देखिएको छ । सेवा लिन गएका सेवाग्राहीहरुलाई गेटबाहिर नै लाइन लगाइएको छ ।

बैकका निमित्त प्रबन्धक विश्वेश्वरप्रसाद धितालले सोमवारको कारोबारमा समस्या देखिएकाले सेवा दिन नसकेको बताए । उनले बैंकका सबै टिम प्रयासरत भए पनि हिसाब नमिल्दा समस्या आएको बताए ।

Leave a Reply

error: Please Dont Copy My Content!! !!