Wednesday, June 16, 2021
Home > भिडियो > मलेसियामा प्राप्त सहयोगबारे धुर्मुस–सुन्तुलीको जानकारी – पुरा हेर्नुहोस

मलेसियामा प्राप्त सहयोगबारे धुर्मुस–सुन्तुलीको जानकारी – पुरा हेर्नुहोस

काठमाडौं । चितवनको भरतपुरमा निर्माण गर्न लागिएको गौतमबुद्ध अन्तर्राष्ट्रिय क्रिकेट रंगशाला निर्माणलाई सहयोग जुटाउन मलेसिया पुगेका हाँस्य कलाकर सिताराम कट्टेल (धुर्मुस) मलेसियामा आफुहरुलाई सोचेभन्दा बढि सहयोग पाएको बताएका छन्।

सामाजिक सञ्जालमा एक स्ट्याटस लेख्दै उनले मलेसियामा प्राप्त भएको सहयोगबारे नेपाल फर्केपछि जानकारी दिने पनि बताए ।

उनले लेखेका छन् , ‘गौतम बुद्ध अन्तर्राष्ट्रिय क्रीकेट रंगशाला निर्माणको सहयोगार्थ जुन उदेश्य लिएर हामी मलेसिया आएका थियौं । मलेसियामा रहनु भएका नेपाली दिदिबहिनी दाजुभाइ हरु बाट हामीले सोँचे भन्दा पनि राम्रो साथ सहयोग र सदभाव पाएका छौं। यहि अभियान लाई लिएर फेरि केहि समय पछि मलेसिया आउने निम्तो पनि पाएका छौं यसले हामिलाइ थप हौसला मिलेको छ । यस पटकको यात्रामा प्राप्त सहयोग हामी नेपाल पुगे पश्चात् जानकारी गराउने छौं। केही भ्रामक समाचार हरुमा कुनै सत्यता नरहेको पनि प्रष्ट पार्न चाहान्छु।’

रंगशाला निर्माणका लागि धुर्मुस–सुन्तली साँझको आयोजना गर्दै उनीहरु मलेसिया पुगेका हुन्। झन्डै तीन अर्बको अनुमानित लागतमा निर्माण हुने भनिएको रंगशाला निर्माणमा मलेसियाबाट राम्रो साथ सहयोग पाउने विश्वास धुर्मुस-सुन्तलीले व्यक्त गरेका थिए।

‘सिटी एक्सप्रेस धुर्मुस–सुन्तुली साँझ–२०७५’ नाम दिइएको सो कार्यक्रममा धुर्मस-सुन्तलीसँगै चर्चित लोकगायक बद्री पंगेनी, चर्चित गायिका मेलिना राई, चर्चित लोकगायिका सम्झना भण्डारी र कार्यक्रम प्रस्तोता यामजोङ्गको सहभागिता थियो।

सिटी एक्सप्रेसले रंगशाला निर्माणाको सहयोगका लागि मलेसियाका तीन शहरमा ‘सिटी एक्सप्रेस धुर्मुस–सुन्तुली साँझ–२०७५’को आयोजना गरेको हो। क्वालालम्पुर र पेनाङपश्चात अन्तिम कार्यक्रम जोहरबारुमा भएको आयोजकले जनाएको छ।

Leave a Reply

error: Please Dont Copy My Content!! !!