Sunday, June 20, 2021
Home > समाचार > छोरीलाई इन्जिनियर बनाउन नमानेका बाबू अहिले छोरीको सफलता देखेर दंग, झण्डै दुई करोड तलब थाप्छिन्

छोरीलाई इन्जिनियर बनाउन नमानेका बाबू अहिले छोरीको सफलता देखेर दंग, झण्डै दुई करोड तलब थाप्छिन्

एजेन्सी। विश्वकै सर्वाधिक ठूलो सर्च इन्जिन गुगलले भारतकी एक युवतीलाई इन्जिनियरलाई १ करोड ७२ लाखभन्दा माथि तलब दिएको छ । बिहारकी मधुमिता कुमारलाई यति ठूलो अफर आएको हो । विश्वको ठूलो सर्च कम्पनी हो, गुगल । यही कम्पनीले मधुमिताका लागि वार्षिक १ करोड ८ लाख रुपैयाँ भारु (अर्थात १ करोड ७२ लाख ८० हजार रुपैयाँ) तलबको जागिर दिएको छ ।

स्विजरल्याण्डमा रहेको गुगलको अफिसमा टेक्निकल सोलुशन इन्जिनियरको रुपमा मधुमिताले सोमबार काम शुरु गरेकी छिन् । मधुमिता गुगलमा काम गर्नुपूर्व बैंगलुरुस्थित एपिजी कम्पनीमा काम गर्थिन् । उनका बाबु उनलाई पछिल्लो समय अमेजन, माइक्रोसफ्ट र मर्सिडिज जस्ता कम्पनीबाट पनि जागिरको लागि अफर आएको बताउँछन् ।

मधुमिताका बाबु छोरीको यो सफतला देखेर दंग छन् । पटनाको सटे खगौल क्षेत्रमा यो परिवारको अहिले निकै चर्चा भइरहेको छ । तर, कुनैबेला समय यस्तो पनि थियो कि, मधुमिताका बाबुले उनलाई इन्जिनियरिङ पढाउन मानेका थिएनन् । बाबु सुरेन्द्र कुमार शर्मा अहिले भन्छन्– ‘सुरुमा त मलाई इन्जिजियरिङ छोरीहरूले पढ्ने विषय नै होइन जस्तो लाग्थ्यो । तर पछि धेरै केटीहरू पनि इन्जिनियरिङ पढेको देखेपछि मैले पनि उनलाई यही पढ्न भनें ।’ यसपछि मधुमिताले जयपुरको आर्या कलेज अफ इन्जिनियरिङ एन्ड टेक्नोलोजिबाट कम्प्युटर साइन्स अध्ययन गरिन् ।

उनले १२ कक्षा भने पटनाको डिएबी, वाल्मी स्कुलबाट गरेकी थिइन् । अब्दुल कलाम थिए आइडल आफ्नो परिवार र खानदानबाट नै विदेश जानेमा उनी पहिलो पनि बनेकी छन् । उनी यही वर्ष फेब्रुअरीमा पहिलो पटक अमेरिका गएकी थिइन् । ‘हाम्रोमा कोही विदेश जानु निकै ठूलो सफलता हुन्छ,’ उनका बाबु भन्छन्– ‘हाम्री छोरी विदेश गएपछि हाम्रो परिवारबाट पनि कोही विदेश गयो भनेर खुसी लाग्यो ।’ तर, मधुमिताका बाबुलाई उनकी छोरी हजारौं माइल लगतार एक्लै बस्नुपर्छ भन्ने कुरामा भने चिन्तित छन् ।

यो सफलता प्राप्त गर्नका लागि मधुमिताको मेहनत र लगनशिलता सँगसँगै भारतका पूर्वराष्ट्रपति तथा वैज्ञानिक एपिजे अब्दुल कलामको भूमिका पनि थियो । सोनपुरको रेलवे सुरक्षा बलमा सहायक सुरक्षा आयुक्तको रुपमा काम गर्ने बाबु सुरेन्द्र शर्मा भन्छन्– ‘राष्ट्रपति एपिजे अब्दुल कलाम उनको सबैभन्दा ठूलो प्रेरणा हो ।

कलामको किताब र बायोग्राफी उनी सबै पढिरहेकी हुन्थिन् ।’ आइएएस बन्न चाहन्थिन् मधुमिता स्कूल पढ्दै गर्दा मधुमितालाई गणित र विज्ञान विषय निकै मन पर्थ्यो । स्कुलमा हुने सबै वादविवाद प्रतियोगितामा उनी भाग लिन्थिन् । तर, सुरुमा भने उनी आइएएस बन्न चाहान्थिन् । तर, पछि उनले इन्जिनियरिङलाई आफ्नो करियर बनाईन् ।

Leave a Reply

error: Please Dont Copy My Content!! !!